VIDEO / Mbrojtja e Liverpulit fut ujë, Vinicius dhe Asensio nënshtrojnë të kuqtë

Real Madrid ka bërë një hap shumë të rëndësishëm drejt gjysmëfinaleve të Ligës së Kampioneve më fitoren 3-1 ndaj Liverpulit. Skuadra e Zidan ka triumfuar sot në fushën e vet përballë anglezëve të cilët i kishte mundur tre vite më parë edhe në finalen e turneut, duke treguar se vazhdon të jetë pretendent, pavarësisht mungesave që kishte në radhët e tij.

Dy skuadrat vinin me mbrojtje të rindërtuara për shkak të këtyre mungesave dhe Liverpuli duket se  e vuajti më shumë këtë situatë, pasi gabimet e njëpasnjëshme të prapavijës sollën golat e Vinicius dhe Asensios që në pjesën e parë të sfidës duke ia bërë më të lehtë kontrollin e lojës madrilenëve.

Liverpuli reagoi në fraksionin e dytë të lojës dhe arriti të shkurtonte shifrat me Salah. Por pak minuta më vonë Vinicius tundi përsëri rrjetën me një gjuajtje në kufijtë e zonës dhe i dha një sukses të rëndësishëm 3-1 Realit që tashmë duhet të administrojë këto shifra në sfidën e kthimit.

Real Madrid-Liverpul 3-1
27′, 65′ Vinicius, 36′ Asensio / 51′ Salah

Real Madrid: Kurtua, Lukas Vazkuez, Naço, Militao, Mendi; Kasemiro, Kros, Modriç; Asensio, Vinicius, Benzema.
Trajner: Zinedin Zidan

Liverpul: Alison, Filips, Aleksander-Arnold, Kabak, Robertson, Fabinjo, Keita, Vijnaldum, Zhota, Salah, Mane.
Trajner: Jurgen Klop