VIDEO/ Anësorit nuk i durohet, vrapon për të marrë autografin e Haland

Erling Haland është duke mbledhur fansa çdo ditë e më shumë. Me aftësitë që tregon në fushë, kushdo do të magjepsej, madje edhe kur bëhet fjala për një arbitër anësor. Pikërisht, në mbrëmjen e djeshme të Ligës së Kampionëve mes Mançester Siti dhe Dortmund të fituar nga anglezët me rezultatin 2-1, anësori i sfidës u bë protagonist.

Jo me vendimet e tij në fushë, por për faktin se me të mbaruar ndeshja, vrapoi për në dhomat e zhveshjes për të marrë autografin e Haland.

Një sjellje e rrallë kjo për një arbitër, megjithatë nuk i rezistoi tundimit kur kishte përballë norvegjezin, i cili nga ana e tij e kënaqi “fansin” duke i dhuruar me mirësjellje autografin edhe pse nuk ishte shumë i lumtur pasi ekipi i tij doli i humbur nga fusha. /VipSport.al/