Reali pa mbrojtje ndaj Liverpulit, Zidan humbet prej COVID titullarin

Pak orë para sfidës me Liverpul, Real Madrid ka marrë një goditje të madhe teksa mbrojtësi Rafel Varan është konfirmuar pozitiv me COVID-19. Një telash i madh për trajnerin Zinedin Zidan, i cili nuk ka në dispozicion as Serxho Ramos.

Në këtë formë, ndaj të kuqve mbrojtja dhe sidomos qendra e saj, është totalisht e zbuluar teksa spanjollët duhet të improvizojnë dhe të durojnë sulmet e Salah, Mane apo Xhotës.

Sakaq, Varan është tashmë në izolim për të respektuar protokollin kundër COVID, ndërsa në klub shpresojnë të mos kenë raste të tjera duke qenë se është një moment vendimtar i sezonit. Kjo pasi të kalojnë sfidën me Liverpul, në fundjavë i pret El Clasico me Barcelonën, teksa në lojës është titulli i La Liga. /VipSport.al/