Klop i pakënaqur: Ai i Realit nuk mund të quhet stadium, në kthim do të shohin një stadium të vërtetë

Duke qenë se luhet pa tifozë dhe se Santiago Bernabeu është nën rikonstruksion, Real Madrid nga fundi i sezonit të kaluar dhe në vazhdim të sezonit aktual, ka vendosur të luajë në Alfredo Di Stefano. Kjo fushë përdoret nga ekipi i të rinjve, por që tashmë është bërë edhe impianti i të besuarve të Zinedin Zidan.

Megjithatë, ajo fushë nuk i ka lënë aspak shije të mirë Jurgen Klop, pas disfatës së mbrëmshme të të kuqve me rezultatin 3-1. Tekniku gjerman është shprehur se ajo e Realit nuk mund të konsiderohet stadium i vërtetë dhe se në kthim do të shohin Anfield.

“Në kthim do të jetë një detyrë e vështirë për Real Madrid, me ose pa publik në Anfield. Dje ishte shumë e çuditshme sepse ishte një tjetër situatë, ai nuk është stadium. Përkundrazi, Anfield është një stadium i vërtetë dhe për ne do të jetë shumë më mirë”, u shpreh Klop. /VipSport.al/