VIDEO / Vitese duhet të falënderojë Brojën, sulmuesi shënon dhe e çon në finalen e Kupës

Armando Broja vazhdon të shkëlqejë dhe shënojë me skuadën e Viteses, duke e bërë këtë të fundit një protagonist të sezonit në Holandë. Sulmuesi i përfaqësueses shqiptare ka tundur edhe sot rrjetën për ekipin e tij, duke e ndihmuar që të sigurojë praninë në finalen e Kupës së Holandës.

Në sfidën gjysmëfinale ndaj Venlo, Broja ka lënë përsëri shenjën e tij, duke shënuar golin e avantazhit 1-0 në një duel shumë të luftuar i cili deri në minutën e 75-të kishte rrjetat e paprekura. Pikërisht atëherë, Broja shfrytëzoi një harkim nga e djathta dhe me një goditje perfekte me kokë dërgoi topin poshtë trekëndëshit për të sigluar avantazhin për ekipin e tij që më pas shënoi edhe golin e dytë duke përfituar nga hapësirat që i lanë kundërshtarët në mbrojtje.

Me fitoren 2-0, Vitese kalon në finale, ku pret fituesen e çiftit Herenven-Ajaks, duke qenë tashmë shumë pranë fitores së një trofeu, që në fillimin e sezonit pakkush e mendonte të mundshëm. Për këtë ka shumë meritë padyshim Broja, i cili me golat apo me asistet e tij, është kthyer në forcën kryesore ofensive të skuadrës së Viteses në këtë edicion. /vipsport.al/