VIDEO / Çikalleshi vazhdon të shënojë, këtë herë goli ndaj kampionëve sjell një pikë

Sokol Çikalleshi vazhdon të tregojë një formë shumë të mirë në këtë moment të sezonit në Superligën turke, duke shënuar me vazhdimësi me ekipin e Koniaspor. Sulmuesi i përfaqësueses shqiptare ka tundur rrjetën edhe sot në kampionat, duke i shënuar kampionëve në fuqi të Bashakshehir.

Koniaspori aktualisht gjendet në mesin e tabelës së klasifikimit dhe po përpiqet që të qëndrojë sa më larg luftës për mbijetesë në këtë edicion. Çikalleshi me golat e tij po arrin ta afrojë me këtë objektiv, siç ndodhi sot.   Në minutën e 79 të takimit, pas një harkimi të Bytyqit nga e majta, Çikalleshi me kokë në shtyllën e dytë arriti të dërgonte topin në rtrjetë me një zhytje, duke mos i lënë mundësinë portierit kundërshtar që të reagonte, për t’i dhënë avantazhin ekipit të tij.

Për fatin e keq të sulmuesit shqiptar, goli nuk shërbeu për tre pikët, pasi pak minuta më vonë Ba shënoi golin e barazimit përfundimtar 1-1 që i dha nga një pikë secilës prej skuadrave. /vipsport.al/