Probleme për Milanin, Ibra mungon për tre javë dhe humbet sfidën me Junajtid. Edhe fantazisti turk i dëmtuar

Probleme madhore për Milanin dhe trajnerin Stefano Pioli. Ekzaminimet e sotme, kanë bërë të ditur se Zllatan Ibrahimoviç vuan disa probleme muskulore dhe për të paktën 10 ditë nuk do të ketë mundësinë të prekë fushat e gjelbërta.

Vetëm pas kësaj kohe, suedezi do t’i nënshtrohet të tjera analizave, në mënyrë që të shohë nëse ka progres dhe të ketë mundësinë për të kontribuar sërish në skuadër. Kështu, sulmuesi do të jetë jashtë për ndeshjet e kampionatit ndaj Udinezes dhe Veronës, ndërsa nuk do jetë as në Old Trafford për sfidën ndaj Mançester Junajtid në Ligën e Europës.

Sakaq, nuk ka lajme të mira edhe për Hakan Çalhanollu. Turku ka gjithashtu probleme muskulore, por për të nuk ka një kohë të veçantë dhe do të vlerësohet ditë pas dite. Nga ana tjetër, pozitiv është fakti se Rebiç nuk ka asnjë dëmtim dhe është në kondicione të mira. /VipSport.al/