Pa kapitenin ndaj Bylisit, Tirana humbet Bathën për sfidën me ballshiotët. Shehi ka një rikthim

Tirana duhet të bëjë pa Idriz Bathën në ndeshjen e radhës të kampionatit, teksa kapiteni u ndëshkua me karton të verdhë në ndeshjen e kaluar ndaj Vllazninsë. Kështu, mesfushori nuk do të jetë në fushë ndaj Bylisit duke qenë se plotësoi numrin e katër kartonëve të verdhë dhe është i detyruar të bëjë një javë pezullim.

Një humbje e rëndësishme për trajnerin Orges Shehi ndërsa dihen aftësitë e Bathës edhe në aspektin e liderit dhe motivimit në fushë, megjithatë tashmë duhet menduar për lojtarin që do të zëvendësojë kapitenin që në ndeshjen ndaj Vllaznisë gjeti edhe rrugën e rrjetës.

Megjithatë, lajmi i mirë është rikthimi i Erjon Hoxhallarit, i cili mungoi ndaj shkodranëve për arsye se ishte ndëshkuar me karton të kuq ndaj Teutës. Sakaq, te kryeqytetasit do të mungojnë sërish Danso e Najdovski të infektuar me COVID-19. /VipSport.al/