Klop: Nuk kisha dyshim se ishim të bashkuar, por njerëzve iu mjafton një humbje

Liverpul u rikthye te suksesi në kampionat teksa mposhti me rezultatin 0-2, Shefilld Junajtid. Në këtë formë, duket sikur të kuqtë lejnë pas periudhën negative dhe përgatiten për t’u rinisur drejt sukseseve të reja.

Sakaq, trajneri Jurgen Klop pas përfundimit të sfidës është shfaqur i kënaqur, ndërsa ka theksuar se ekipi ka qenë gjithnjë i bashkuar, pavarësisht se njerëzit mendojnë të kundërtën pas humbjeve.

“Nuk kam pasur asnjëherë dyshime për bashkimin që është në skuadër. Por, bota kështu funksionon. Fitojmë një ndeshje dhe na thonë se jemi të bashkuar. Nuk fitojmë pastaj një tjetër dhe më pas njerëzit mendojnë se nuk jemi më të bashkuar. Por, kjo nuk është kaq e thjeshtë saç bëhet”, u shpreh Klop. /VipSport.al/