Kategoria e Parë, A/ Vora mposht dhe “tremb” Dinamon, triumf për Veleçikun

Dinamo ka pësuar një humbje të rëndë në ditën e sotme të Kategorisë së Parë të Grupit A. Blutë e kryeqytetit u mposhtën me rezultatin 1-0 nga Vora, teksa një ndeshje shumë të luftuar nga skuadrat, zgjidhja i dha vetëm goli i Tavanit në minutën e 88. Minutat e mbetura nuk i lanë dinamovitët të reagonin, e në këtë formë për ta erdhi humbja e dytë sezonale.

Një disfatë që rëndon për të besuarit e trajnerit Olsi Uku, pasi tashmë mbeten në vendin e dytë me 26 pikë, ndërsa Burreli kryeson me 28 pikë dhe do të ketë mundësinë për ta thelluar edhe më tej avantazhin. Sa i përket Vorës, ata ngjiten në vendin e pestë me 14 pikë.

Ndërkohë, në ndeshjen tjetër të këtij grupi, Veleçiku mposhti në shtëpi me rezultatin 1-0, Orikun. Vendimtar ishte goli i Begës me penallti në minutën e 31. Pas këtij rezultati, koplikasit mbeten në vendin e nëntë, por barazojnë me pikë Partizanin B duke rihapur garën për mbijetesë, pasi edhe orikasit janë vetëm me 11 pikë./VipSport.al/

Ndeshjet:

Vora-Dinamo 1-0
Shënues: 88’Tavani

Veleçiku-Oriku 1-0
Shënues: 31’Bega pen.