Kategoria e Parë, A/ Dinamo luan ndaj Vorës, Veleçiku pret Orikun

Në ndeshjet e sotme të Kategorisë së Parë, Dinamo do të kërkojë të rikthehet në krye të Grupit A teksa luan ndaj Vorës në kompleksin Internacional. Blutë vijnë pas dy fitoreve radhazi, e fundit ndaj Veleçikut ku edhe debutoi trajneri i ri, Olsi Uku.

Tashmë, pritet vazhdimësia pasi Burreli po tregohet një “kockë e fortë”, në garën për kreun. Ndërkaq, Veleçiku do të presë në shtëpi Orikun.

Vendasit janë të fundit në klasifikim dhe rrezikojnë rënien një kategori më poshtë, ndaj pikët janë jetike për Veleçikun që në shtëpi ka treguar edhe performaca të mira. Nga ana tjetër, orikasit janë në vendin e gjashtë me 11 pikë të grumbulluara, ndërsa vijnë pas dy humbjeve radhazi. /VipSport.al/

Ndeshjet:

13:30 Vora-Dinamo

13:30 Veleçiku-Oriku