Deshamp: E vendos Mbape nëse shkon në Spanjë, Itali apo Angli. Tani është mirë në Paris

E ardhmja e Kilian Mbape sjell gjithnjë shumë komente duke qenë se për një nga më të mirët në botë ka shumë kërkesa. Aktualisht, sulmuesi ende nuk ka rinovuar kontratën me PSG, megjithatë për trajnerin e kombëtares franceze, Didier Deshamp ai është mirë në Paris, ndërsa thekson se më pas të ardhmen ai do ta vendosë vetë.

“Është një privilegj që Mbape është francez dhe është diçka shumë e mirë që aktivizohet në Ligue 1 e me PSG. Më pas do të jetë ai vetë që do të zgjedhë ku do të luajë, në Spanjë, Angli apo Itali. Wshtë një lojtar i jashtëzakonshëm që kërkon të fitojë tituj.

Por, tani është mirë në Paris. Unë nuk jam për t’iu dhënë këshilla lojtarëve francezë, por kam mendimet dhe vlerësimet e mia nëse më pyesin. Unë nuk e di nëse Mbape do të ndryshojë destinacion këtë verë apo jo, ky është një vendim i tij dhe i prindërve të tij”, u shpreh Deshamp. /VipSport.al/