Cungu: Mendova se ishte viti i Vllaznisë. Si shkodran e vështirë ta kapërdij, por tani janë Laçi e Partizani më afër titullit

Armando Cungu është shkëputur nga futbolli i klubeve në Superiore, duke u emëruar pak kohë më parë në pankinën e U19 të Shqipërisë. Por trajneri vazhdon të ndjekë me shumë kureshtje Superioren ku ka drejtuar disa nga ekipet më të mira, të clat I sheh në luftën për titull. Në “Rubrika Sportive”, ai pranoi se ka mbetur i zhgënjyer nga Vllaznia, pasi tashmë sheh ekipe të tjera më të favorizuara në luftën për titullin kampion se kuqeblutë, edhe pse janë të parët.

“Isha në stadium në Shkodër. Përveç rezultatit, prita diçka tjetër. Ishte ndeshje e dobët, e mefshte nga të dy ekipet. Tirana ishte më e qartë në veprimet sulmuese edhe më sakëësisht në veprimet individuale të lojtarëve që i fituan ndeshjen asaj.

Vllaznai nuk ka forcë, impulsin për të vënë në rrezik kundërshtarin. Kjo është problematika kryesore. Edhe janari i ka bërë më shumë dëm Vllaznisë sa i përket merkatos, nuk mund të them se ka munguar dashamirësia e drejtuesve, por ka afruar lojtarë të cilët deri tani që flasim rrinë në stol e nuk bëhen pjesë e ndihmës, dhe në minutazh nuk jusfitikojnë asgjë. Ky është minus i madh në këtë faze të kampionatit.

Ajo që nuk më la shije të mirë ishte mosmarrëveshja e portierit me Adilin. Në këtë rast është inteligjenca e Bathës që duhet lavdëruar. Mendoj se kishte thirrje nga pankina për të hequr Adilin nga muri dhe në momentin kur është tërhequr, është krijuar konfuzion dhe u tregua inteligjent Batha se në atë moment gjuajti topin. Si portieri, si Adili janë shtangur e nuk reagoi asnjëri. Në këto momente mori goditje psikolo9gjike por kishte kaq shumë kohë në dispozicion, e nuk pashë asgjë. Pastaj u bë e disata ndeshje që Krymi largohet nga loja, e kuptpj trajnerin se e bën për të futur forcë sulmuese, por harron ndoshta se mund të prishë ekuilibrat e ekipit dhe e pësoi.

Askush nuk e priti këtë Vllazni, ajo e ka shfrytëzuar më mirë nga të gjithë situatën që u krijua në fillim të sezonit. Ekipet e tjera erdhën nga një sezon cfilitës, ata që morën pjesë në Europë, kishte klube me shumë afrime e largime. Isha i bindur që të tjerët do e merrnin veten. Vllaznia ka pasur rezultate e nuk ka pasur presionin. Në momentin që Vllaznia filloi të gabojë kam frikë se tashmë mund të ketë ngërç psikologjik sa i përket presionit se nuk e ka stofin e ekipeve si Laçi, Partizani, Kukësi, Tirana apo Teuta. Kjo është diçka që rëndon pak Vllazninë, por ajo duhet të dijë diçka, nëse do të ruajë edhe Europnë, duhet të luajë si kampion. Nëse hyn në ngërç piskologiik apo mosfreski fizike, kam frikë shumë se do të vërë në diskutim edhe Europën. Do të ishte fatale, se kanë pasur 9 apo 10 pikë avantazh.

Partizani-Laçi ishte ndeshja më e bukur e kampionatit, dy ekipet më në formë dhe më të bukura. Ishte ndeshje që mund ta fitonte secili ekip, e rëndësishme ishte që pamë futboll të bukur.

Më vjen shumë mirë për Laçin se është ekip që kam punuar një vit me të, Kam kam pengjet e mia, që te eliminimi në Europë, nuk është e lehtë ta harrosh. Kam edhe peng që nuk pati duirm më të madh për të vazhduar rrugën bashkë se jam i bindur se ekipi ka pasur brumin dhe kisha bindje që do të ishte pretendent. Por vazhdoj të mbes i palëkundur që Laçi është pretendenti kryesor për të dale kampion.

Kur pashë Vllazninë 10 pikë përpara disa javësh, mendova me shumë dëshirë që mund të ishte viti i Vllaznisë. Edhe pse nuk e mendoja për atë që njoh ekipet shqiptare, dimë e njohim si janë konfiguruar. Por duke qenë entuziazmi i madh, kam qenë shumë i bindur se do vinin shpejt Laçi e Partizani sidomos, siç erdhën. Në këto momente që flasin e kam të vështirë për ta kapërdirë si shkodran, por profesionalisht e shoh Laçin shumë më afër titullit se ekipet e tjera, e Partizanin po ashtu. Por të parin Laçin”, deklaroi Cungu. /vipsport.al/