Agjenti i Hysaj, Xhufredi: Ai do të sillet si profesionist deri në fund

Elseid Hysaj mesa duket ka ardhur në fund të aventurës me Napolin, teksa nuk ka gjetur gjuhën e marrëveshjes me drejtuesit për të rinovuar kontratën. Kështu, në verë, mbrojtësi i kombëtares do të jetë një futbollist i lirë.

Mirëpo, deri atëherë ka ende ndeshje të rëndësishme nga ky sezon, teksa menaxheri i shkodranit, Mario Xhufredi thekson se lojtari do të ketë një sjellje prej profesionisti deri në fund.

“Me Napolin gjithçka është e vendosur. Nuk ka kontakte më për rinovimin, por Hysaj do të sillet si një profesionist deri jë fund të kontratës së tij”, u shpreh Xhufredi. /VipSport.al/