VIDEO / Zgjohet Mesi dhe bën diferencën, Barcelona u kthehet fitoreve

Kur Lionel Mesi është në formë të mirë, edhe Barcelona është në formë të mirë. Kjo kuptohet më mirë se kurrë në këtë edicion në La Liga, ku paraqitjet e skuadrës kombinojnë qartësisht me ato të futbollistit argjentinas.

Sot, ai udhëhoqi skuadrën e tij në suksesin e rëndësishëm 3-0 ndaj Elçe, duke qenë protagonisti kryesor i fitores që e çoi Barcelonën 2 pikë larg Real Madrid të vendit të dytë. Pas një aksioni të shkëlqyer personal, ai kombinoi me Breithuejt dhe çoi vetë topin në rrjetë në fillimin e pjesës së dytë. Pak minuta më vonë, ishte një pasim i De Jong që i dha mundësinë që të dyfishonte shifrat, duke vënë në kasafortë këtë duel, Edhe goli i tretë mbante firmën e Mesit, pasi ishte ai që nisi aksionin i cili në fund u finalizua nga Zhordi Alba.

Një 3-0 që qetëson pak situatën te Barceloa, si dhe dy gola për Mesin që e kthejnë atë përsëri në kreun e garës për golashënuesin më të mirë në La Liga, Ai arriti shifrën 18 duke lënë pas mikun Luis Suarez, i cili ka shënuar deri tani 16 gola në eksperiencën e tij të pare me Atletiko Madrid. /vipsport.al/