VIDEO/ “Unë nuk di të rregulloj flokët, do të bëj të dukesh amator”, Marku i bëri realitet fjalët e tij

Florian Marku mori një fitore të madhe në mbrëmjen e së shtunës, teksa mposhti në ringun londinez, Rajan Ccarlton. Boksieri shqiptar nuk e vendosi në asnjë moment në dyshim triumfin dhe dominoi mbi kundërshtarin.

Në fakt, Marku ishte i bindur për fitoren e tij edhe para sfidës duke qenë se së fundmi, shqiptari ka postuar nië video ku provon se si fjalët e thëna në intervistë me Ccarlton i ktheu në realitet.

Gjatë intervistës, Marku thekson se vërtet ai nuk di të rregullojë flokët apo të vendosë pirsing, por shprehet se do ta bënte Ccarlton të dukej një amator dhe se ndeshjen nuk do ia linte në dorë jurisë ta vendoste, por do ta mbyllte pa qenë nevoja për një vendim nga ta, ashtu siç edhe ndodhi. Falë kësaj fitoreje Marku mbetet i pathyeshëm në boksin profesionist, ndërsa ka marrë tetë fitore dhe një barazim.