VIDEO/ Përplasi kokën, Osimhen nuk mban mend asgjë nga episodi ndërsa natën e kaloi në spital

Një episod që trembi shumë persona ishte ai i mbrëmjes së djeshme në fund të sfidës mes Atalantës dhe Napolit. Sulmuesi Viktor Osimhen përplasi dhunshëm pjesën e pasme të kokës në tokë dhe si rrjedhojë humbi ndjenjat.

Menjëherë mjekët ndërhynë për t’i dhënë ndihmën e parë, ndërsa e shoqëruan për në spital, aty ku futbollisti ka kaluar të gjithë natën për çështje sigurie. Edhe pse atë moment të përplasjes Osimhen nuk e mban mend, sërish fatmirësisht situata paraqitet e mirë dhe sot sulmuesi do të largohet nga spitali.

Por, për t’u rikthyer në fushë do të duhet të kalojnë disa ditë dhe kështu ai do të humbasë ndeshjen e radhës në Europa League ndaj Granadës, si dhe atë në kampionat ndaj Beneventos, me synimin për të qenë në dispozicion më datë 3 mars në sfidën ndaj Sasuolos. /VipSport.al/