VIDEO / Një e kuqe e dyshimtë dhe një gol në mbyllje, Reali ia del përballë Atalantës

Real Madrid ka mbyllur me një fitore minimale 1-0 udhëtimin e vet në Bergamo në Ligën e Kampioneve përballë Atalantës. Skuadra e Zidan, pavarësisht mungesave, ka marrë një rezultat shumë të mirë që duhet të administrojë në sfidën e kthimit, për të vazhduar më tej në çerekfinalet e turnout.

Ndeshja e sotme u ndikua që në minutat e parë nga një vendim i gjyqtarit i cili nxori me të kuq Frojler, për një faull ndaj Mendi, një vendim që është interpretuar si i tepruar nga ai. Në inferioritet numerik, Atalanta e kishte më të vështirë të luante kundër madrilenëve duke lëshuar terren e vuajtur dominimin e topit të skuadrës spanjolle.

Por kjo e fundit nuk arriti të çante mbrojtjen e ngjeshur me Gjimshitin në krye dhe u desh vetëm një gjuajtje nga jashtë zonës e mendi që të vuloste fatin e sfidës me golin që dekretoi rezultatin 1-0.

Atalanta-Real Madrid 0-1
86′ Mendi

Atalanta: Golini; Toloi, Romero, Gjimshiti; Maehle, De Run, Frojler, Gosens; Pesina; Zapata, Muriel.
Trajner: Xh. Gasperini

Real Madrid: Kurtua, Lukas Vazkuez, Varane, Naço, Mendi; Kasemiro, Kros, Modriç; Asensio, Isko, Vinicius.
Trajner: Z. Zidan