VIDEO / Kundërshtari fluturon peshqirin në ring, Florian Marku u kthehet fitoreve bindëse

Florian Marku ka lënë pas zhgënijimin për barazimin në ndeshjen e kaluar, duke iu kthyer fitoreve bindëse në ringun profesionist. Boksieri shqiptar ka çuar në 8 fitore e një barazim rekordin e tij në arenën profesioniste, pasi ka mundur sot me KO teknik britanikun Rajan Çarlton, i cili ashtu si Marku vinte i pamposhtur në takimin e sotëm.

Që në ruandin e parë Marku diktoi ritmin e tij duke lodhur kundërshtarin e duke e goditur herë pas here, pa rrezikuar shumë përballë britanikut. Ai arriti ta trondiste këtë të fundit e ta gjunjëzonte në raundin e katert, ndërsa në të 6-tin bëri një gabim duke e lejuar rivalin e tij të bënte të njëjtën gjë. Por në raundin e 8, pas një goditje të fortë në trup e më pas në kokë, stafi i britanikut vensosi që të ndërpriste takimin duke hedhur peshqirin pasi boksieri nuk mund të qëndronte më në këmbë.

Një KO teknik që e kthen Markun në rrugën e duhur dhe që e ndihmon të vazhdojë të ngjitë shkallët në renditjen e përgjithshme për peshën velter ku garon boksieri shqiptar. /vipsport.al/