VIDEO / Bajerni përgjumet, Eintrahti rihap kampionatin në Gjermani

Bajern Mynih duket se nuk ka kaluar ende pasojat e festës për trofeun e 6-të të sezonit të kaluar, Botërorin e Klubeve, pasi bavarezët nuk po arrijnë të shfaqin lojën e tyre që pas kthimit nga Katari, edhe për shka të përgjysmimit nga mungesat si pasojë e dëmtimeve dhe COVID-19. Fillimisht erdhi barazimi me Arminia Bielefeld, e sot ka ardhur edhe një humbje përballë skuadrës që për momentin është më në formë në Gjermani, Eintraht Frakfurt.

Kjo e fundit diktoi ritmin e saj që nga minuta e parë në të fundit në ndeshje duke shënuar shpejt dy gola me anë të Kamada e Junes, për të mbyllur pjesën e parë me avantazh të dyfishtë. Levandovski shkurtoi diferëncën e golave pak minuta pas fillimit të pjesës së dytë por Bajerni nuk dukej në gjendje që të reagonte në këtë duel dhe ato pak mundësi që kishte i shërpdoroi po me polakun. Kështu, sfida u mbyll me fitoren 2-1 të Eintraht që e sheh veten të katapultuar në zonën e Ligës së Kampioneve.

Ndërsa Bajerni ka 5 pikë diferencë ndaj Lajpcigut të vendit të dytë, por me këtë të fundit që ka luajtur një ndeshje më pak e mund të ngushtojë diferencën për të rihapur plotësisht garën për titullin. /vipsport.al/

Rezultatet

Borusia Mynshengladbah-Mainz 1-2

Eintraht Frankfurt-Bajern Mynih 2-1

Këln-Shtutgart 0-1

Frajburg-Union Berlin 0-1