Superiore/ Teuta pret Kukësin, situata në dy kampet e ndryshme

Java e 21 e Kategorisë Superiore do të nisë me ndeshjen mes Teutës dhe Kukësit, në Niko Dovana në orën 16:00. Durrsakët e trajnerit Edi Martini vijnë pas tre fitoreve radhazi dhe më shumë se kurrë janë në garë për titullin, teksa diferenca me kryesuesit e Vllaznisë është pesë pikë.

Kështu, ndalesat preferohen të shmangen që ky kontakt të qëndrojë në këto kuota, apo të zvogëlohet. Sakaq, Kukësi është disi larg kreut me ekipin verilindor që renditet në vendin e pestë, shtatë pikë larg Djemve të Detit. Ekipi i trajnerit Mirel Josa kërkon të reagojë pas humbjes së findut me Partizanin, kjo edhe për të qenë më pranë objektivit të kampionatit për të qenë pjesë e Kupave të Europës.

Ndërkaq, Kukësi mund të ketë edhe një mungesë të rëndësishme në këtë ndeshje siç është ajo e Agim Ibrahimit që do të ndikonte shumë duke njohur rëndësinë që ka pasur sulmuesi në organikë. /VipSport.al/

Ndeshja:

16:00 Teuta-Kukësi