“Skaner” në televizion të ri, Gerti Çarçani te MCN TV

Një emision i ri i shtohet panoramës së transmetimeve televizive sportive shqiptare. Moderatori i njohur Gerti Çarçani, ka ndryshuar ekran, për t’i sjellë publikut një tjetër prodhim interesant që flet për panoramën e sportit në vendin tonë.

Nga 1 marsi, të hënave dhe të enjteve, ai do të jetë drejtuesi i emisionit “Skaner”, i cili do të nisë rrugëtimin në “MCN TV” për të shoqëruar sportdashësit në vendin tonë me të rejat e fundit të sportit, me të ftuar mjaft interesantë e padyshim protagonistë të rëndësishëm të tij.

Një tjetër aventurë që shton larminë e programeve televizive në arenën kombëtare, për të pasqyruar çfarë ndodh në përditshmërinë e sportit, e sigurisht edhe për t’u munduar që të rritë interesin për të në vendin tonë. /VipSport.al/