Si rrallë më parë, Apolonia e plotë në transfertë

Apolonia u mund me Bylisin në Fier në fundjavën e shkuar, një disfatë që shokoi bardhjeshilët, e megjithatë, prej së hënës ata kanë zbritur në stërvitje dhe kanë nisur që të mendojnë për ndeshjen në transfertë që do të zhvillojnë me skuadrën e Kastriotit në Kamzë.

Apolonia është ende në zonën e rrezikut, megjithëse shpresat për mbijetesë ekzistojnë duke qenë se janë ende edhe 15 ndeshje për t’u luajtur dhe gjithçka mund të ndoodhë. Kujtojmë që Apolonia ka marrë 4 pikë me krutanët, madje duke barazuar fazën e parë në shtëpinë e Kastriotit në Kamzë dhe i kanë mundur në Fier.

Konsiderohet një transfertë delikate, por jo e pamundur, ndaj edhe në Fier synojnë që të marin pikë, madje në këtë ndeshje, skuadra i ka të gjithë lojtarët e gatshëm, si rrallë në takimet e fundit në kampionat.

Kjo i jep mundëis edhe trajnerit italian Kamarata, që të hedhë në fushë më të mirët në këtë ndeshje delikate në transfertë…

E.S./Vipsport.al/