Nuk ndalet Interi, tripletë Xhenoas dhe nis arratinë nga “kushërinjtë”!

Interi i 2021 nuk di të ndalet, pasi sot ka mundur edhe skuadrën e Xhenoas, sfidë e vlefshme për javën e 24-të, të Seria A. Interi arriti të fitonte me rezultatin e pastër 3-0 ndaj Xhenoas në shtëpin e tij.

Një ndeshje totalisht e dominuar nga zikaltërit që shënuan që në minutën e parë me Lukakun, ndërsa në fraksionin e dytë Darmian shënoi golin e dytë pas asistit të Lukakut që ka qenë nga lojtarët më të spiktur në sfidën e sotme.

 Sfida u mbyll me golin e shënuar nga Sanchez që hipotekoi një 3 pikësh me shumë vlera për Interin.

Tashmë ziklatërit janë 56 pikë dhe Milani që ndodhet në vendin e dytë është shtatë pikë më pak, pra 49.

E.S./Vipsport.al/