Nota e mbrojtësit/ Atalanta nuk ia doli ndaj Realit, por Gjimshiti tregoi sërish kualitetet

Atalanta, disi edhe e pafat në mbrëmjen e djeshme të Ligës së Kampionëve teksa mbeti me 10 lojtarë nga minuta e 17, nuk ia doli t’i rezistonte Real Madrid. Në fakt, Berat Gjimshiti me shokë, e bënë këtë deri në minutën e 86, por më pas një goditje e Ferland Mendi përcaktoi fatet e takimit dhe ndoshta të kualifikimit pasi është një gol që në fushë kundërshtare vlen dyfish.

Ndërkaq, pas ndeshjes, Eurosport ka publikuar edhe notat e futbollistëve, e në repartin e mbrojtjes është treguar sërish një lider i vërtetë, Berat Gjimshiti. Eurosport e ka vlerësuar mbrojtësin e kombëtares me notën 6.5, ndërsa thekson se ai nuk gabon asgjë.

Gjimshiti, 6.5- “Nuk gabon asgjë, diagonale dhe ndërhyrje manuali”, ishin fjalët e zgjedhura nga Eurosport për të përshkruar ndeshjen e Gjimshitit. /VipSport.al/