Ndreca: Ëndërra ime të luaj me Kombëtaren, Bylisi “trampolinë” për talentet

Edison Ndreca e tentoi tri herë golin në ndeshjen me Skënderbeun në Ballsh, ndërsa mbetet një pikë e fortë në skuadrën mallakastriote. Ndreca në një prononcim që ka dhënë pas ndeshjes me korçarët, ka pohuar në “Sportmagazine” në “Orasport” se: “Fitorja ishte e merituar sepse kishim punuar shumë gjatë javës, me një kundërshtar rival për mbijetesën. Por, me dy fitore me rivalët direkt është hap i mirë për ne. Tashmë të mbajmë këtë ritëm. Është kalendar i ngjeshur, por ne kemi një ekip të mirë që meriton shumë më shumë se kaq”.

“Të them të drejtën futbolli i till është, nuk kemi marrë ato që kemi pritur dhe merituar. Unë kam qejf gjithë krahun, nuk e kam problem të luaj, kam një veti që dua të godas portën. Kjo më jep përparësi kur luaj mesfushor i majtë. Jam edhe për dy muaj në kontratë, në fund të sezonit do të shohim. Kam dëshirë që të luaj jashtë, nëse do mundësohet kjo gjë, kush është ai që e refuzon, prandaj luajmë që të provojmë një ditë të luaj jashtë.”

“Bylisi funksionon si një “trampolinë”, për të afirmuar dhe t’i shesi lojtarët  e talentuar të huaj dhe shqiptarë. Në ekipin tonë ka 4-5 lojtarë, që jo vetëm në Superiore, por edhe jashtë mund të luajnë. Unë dua që të vesh fanelën e Kombëtares, është ëndrra ime më e madhe”, – tha Edison  Ndreca, një nga titullarët e rëndësishëm të Bylisit.

E.S./Vipsport.al/