Muça injoron futbollistin e Partizanit: Kardozo sa për të plotësuar numrin

Partizani mori një fitore shumë domethënëse në ndeshjen ndaj Kukësit ditën e djeshme me të kuqtë që vazhdojnë garën për titullin kampion, e madje tashmë kanë shkurtuar diferencat me Vllazninë kryesuese. Sakaq, në studion e Rubrikës Sportive, Shkëlqim Muça theksoi se Partizani ishte më mirë taktikisht, ndërsa u shpreh se Kardozo, futbollist i kuqve, nuk është në lartësinë e skuadrës.

“Ishte një ndeshje shumë taktike, mes dy skuadrave që kanë shumë cilësi. Daja kishte menduar të sulmonte me mbrojtës dhe e vuri në vështirësi kundërshtarin. Partizani ishte më mirë taktikisht. Në pjesën e dytë lojtarët e kuq punuan shumë mirë .

Kardozo për mendimin tim është një lojtar sa për të plotësuar nurmin pasi nuk ka cilësi. Nuk është lojtar për Partizanin që të dali kampion”, u shpreh Muça. /VipSport.al/