Kasano: Kampionati italian nuk është më në lartësinë e të tjerëve, në Champions e ka mbërritur francezi

Antonio Kasano është i bindur se shkëlqimi i skuadrave italiane në Europë ka përfunduar. Sipas tij, klubet Italiane nuk mund të konkurrojnë më me ata të kampionateve të tjera në një skenë të rëndësishme siç është Liga e Kampioneve, siç e tregojnë edhe rezultatet e arritura nga ekipet italiane.

“Unë e përsërit gjithmonë dhe po e them edhe sot. Kampionati italian nuk është më në lartësinë e kampionateve të tjera kryesore në Europë. Nuk është majftueshëm konkurrues për Ligën e Kampioneve. Edhe Liga 1 ka mbërritur në nivelet tona. Kampionatet në Angli, Gjermani dhe Spanjë, tani i kemi përpara”, tha fillimisht Kasano rreth forcës që kanë klubet italiane në Ligën e Kampioneve.

Ndërkaq, ai nuk sheh klubet italiane të favorizuara as në Ligën e Europës, edhe pse janë emra të mëdhenj si Roma e Milani. “Roma duhet të tregohet e kujdesshme ndaj Shakhtarit, do të jetë e vështirë sidomos të shkojë të luajë atje. Ndërsa Milani sigurisht që nuk e nis si favorit sfidën ndaj Mançester Junajtid”, ishte analiza e sulmuesit. /vipsport.al/