Kapiteni Arapi “sponsorizon” Hoxhën: E meriton kombëtaren, dy ndeshjet e radhës vendimtare

Teuta mori një fitore të rëndësishme në kryeqytet ndaj Tiranës, teksa durrsakët vazhdojnë garën për titull. Ndërkohë, kapiteni i skuadrës, Renato Arapi thekson se edhe dy ndeshjet e radhës do të jenë vendimtare, ndërsa në vazhdim për Zona Gol u shpreh se Rustem Hoxha e meriton një ftesë nga kombëtarja.

“Mendoj se lojtari i Partizanit nuk duhet të kishte shënuar gol, por pastaj bënë gjënë e duhur duke lënë golin. Më e bukura do të ishte nëse Partizani do ta kishte shënuar vet golin. Kthesa jonë edhe sezonin e kaluar erdhi ndaj Tiranës. Kur fiton ndaj një skuadre 3-4 edhe besimin rritet akoma më shumë.

Këto 3 fitore na kanë sjell besimin pasi tregon vazhdimsinë. Kjo fazë e 3 na ka kapur në moment të mirë dhe kam besim se do të vazhdojmë kështu. Dy ndeshjet e ardhshme do të jenë të rëndësishme për ne pasi nëse fitojmë do të jemi deri në fund në garë për titull.

Problemi i golit është i mbartur, edhe pse sulmuesit nuk kanë shënuar, por na kanë ndihmuar shumë e në këto momente rëndësi kanë vetëm pikët. Shumica e kundërshtarëve që kanë ardhur në Durrës kanë tentuar të mbrohen, ndërsa kur luajmë në transfertë skuadrat janë të hapura e kemi më shumë hapësira”.

Rasti i Grudës me portë bosh? “E kemi mbështetur Grudën dhe çdo lojtari tjetër. Të vetmën gjë i thash ishte në momentin e fundit që kishte mundësi t’ia pasonte Bregut. Për rastet e humbura nuk I thamë asgjë pasi rastet humben”.

Rustem Hoxha? “Mendoj se e meriton një vend në Kombëtare pasi është sezoni I dytë që po tregon stabilitet”, u shpreh Arapi. /VipSport.al/