Kamarata: I kemi të gjitha finale, edhe arbitrat si lojtarët mund të gabojnë

Apolonia nuk ka marrë më shumë se barazimi 0-0 në Kamëz, ndaj Kastriotit. Pas ndeshjes, për Supersport, trajneri i fierakëve, Fabricio Kamarata thekson skuadra bëri një ndeshje të mirë dhe se për tat ë gjitha sfidat konsiderohen si finale. Nga ana tjetër, italiani u shpreh se edhe arbitrat si lojtarët mund të gabojnë.

Ndeshje e mirë? “Them se po për si shkoi ndeshja, kemi bërë një ndeshje të mirë. Kemi patur rastet tona, por jam i lumtur për paraqitjen.

Duhet të mendojmë ndeshje pas ndeshje, janë të gjitha finale, por deri në fund duhet të besojmë sepse skuadra i ka mundësitë.

Jam i lumtur se ekipi bëri një paraqitje të mirë, u mbrojt mirë dhe pati mundësi që të fitonte ndeshjen, shtylla ishte rasti më i mirë i ndeshjes.

Nuk më pëlqen të flas për arbitrat. Ka bërë ndeshjen e tij, mund të gabojë si lojtarët. Ndoshta duhet të kishte ndonjë karton më shumë”, u shpreh Kamarata. /VipSport.al/