Ish-sulmuesi i famshëm bullgar, Berbatov: Mbape sot është më i mirë se Mesi dhe Ronaldo

Kilian Mbape ka kthyer të gjithë prozhektorët nga vetja pas atij tregolëshi në Camp Nou ndaj Barcelonës në Ligën e Kampionëve. Sulmuesi francez inspiroi PSG në fitoren 1-4, ndërsa shumë specialist apo ish-futbollistë kanë theksuar se tashmë, francezi është futbollisti më i mirë në botë.

I këtij mendimi është edhe ish-sulmuesi Dimitar Berbatov, i cili shprehet i bindur se Mbape tashmë është më i mirë se Mesi dhe Ronaldo.

“Në këtë moment, Mbape është numri një, e shoh tashmë para Mesit dhe Ronaldos. I takon atij dhe Haland të trashëgojnë sfidën mes Mesit dhe Ronaldos. Por, unë nuk nënvlerësoj edhe Bruno Fernandes, i cili në vitin tjetër mund të jetë një kandidat për Topin e Artë duke parë atë që po bën me Mançester Junajtid. “, u shpreh Berbatov. /VipSport.al/