Bregu: I fal dy golat për tre pikët, më vjen keq për djersën e çunave. Krasniqi është më i miri i kampionatit

Dejvi Bregu ka qenë protagonist i sotëm për skuadrën e Teutës duke shënuar dy gola, një me penallti e një me goditje dënimi spekatakolare. Por sulmuesi i durrsakëve pas sfidës tha për “SuperSport” se ishte gati t’i ndërronte këto gola me tre pikët që i duheshin më shumë ekipit për të vazhduar ecurinë në kampionat ku ka pretendime për titullin kampion.

“Padiskutim, të jetë për mua i fal dy golat që të fitonim e merrnim tre pikët, të vazhdionim me vazhdimësinë e ndehsjeve të mëparshme. Por futbolli ndaj është i bukur, por edhe i hidhur. Më vjen keq për djersën e çunave, por të shohim përpara, nuk kemi çfarë të bëjmë tjetër.

Çdo gjë është e hapur, ekipet përballen me njëri-tjetrin, ata që janë pretendentë. Ne duhet të fokusohemi te ndeshja me Vllazninë dhe ta marrim barazimin me qetësi se kampionati është i hapur.

Duke ardhur nga Luftëtari, te Skënderbeut e këtu, stërvitem me këto gjuajtje. Keto i kemi realizuar në stërvitje. Por shpresoj që me goditje të tilla, jo si sot, ta ndihmoj ekipin me tre pikë.

Krasniqi apo Gruda? Përderisa i kanë marrë të dy, dhe me të dy kam shënuar, kanë cilësi të njëjtë, kanë potencë që të sulmojnë një kundër një. Si Krasniqi që personalisht mendoj se është sulmuesi më i mirë i kampionatit, edhe Gruda që ka cilësi dhe na ka ndihmuar sa herë që është future, do të na ndihmojnë për të ecur para.

Nuk është detyra ime t’u kërkoj shokëve të rritin shpejtësinë. Në rastet që ekipi më ka ndihmuar, shpresoj të kem dhënë më të mirën. Ka raste që ekipi është mbrapa dhe kam haspur vështirësi. Por ky kampionat ka pak hapësira dhe në ato momente që janë shfaqur mendoj se i kam shfrytëzuar e shpresoj që në vijim të kem vazhdimësi”, tha Bregu. /vipsport.al/