Xhaferi: Pata thënë se do luajmë si të barabartë me këdo, tani luajmë më mirë se të tjerët

11 Janar, 2021 23:33

Sponsori i Vllaznisë, Alban Xhaferi, nuk e fsheh entuziazmin për atë që po sheh nga skuadra e tij. Kuqeblutë janë shkëputur 9 pikë nga ndjekësit më të afërt, por për drejtuesin e kuqebluve, e rëndësishme është loja, siç e tregoi edhe në studion e “Pressing”.

“A e prisja? Futbolli ndaj është i bukur. Jemi përtej pritshmërive të asaj që kemi synuar në fillim. Por shpresojmë të vazhdojmë të punojmë e bëjmë kështu.

Diferenca na jep pak kërshëri dhe krenari më shumë. Nuk kem frikë asnjë skuadër. E kam thënë që në fillim që Vllaznia do të luajë e barabartë me çdo skuadër dhe tani po luajmë sipër të tjerëve”, tha Xhaferi. /vipsport.al/