Escort Paris porn tube porno porn porno amateur

VIDEO / Vllaznia hakmerret ndaj Kukësit, largon verilindorët nga lufta për titull

Vllaznia vazhdon e pashqetësuar marshimin e saj që duket se tashmë ka një objektiv të vetëm, atë të kthimit të titullit kampion në Shkodër. Kuqeblutë e Brdariç sot kanë mundur një prej rivalëve kryesorë, Kukësin, duke u hakmarrë edhe për atë humbje të fazës së parë që pësuan përballë verilindorëve.

Suksesi 1-0 ka ardhur falë golit të sulmuesit Kalaja i cili zëvendësoi më së miri Hoxhajn e pezulluar, por në një sfidë e cila dhuroi raste edhe për verilindorët, të cilët ishin të pafat të ndalur nga shtylla pingule. Një fitore që çon Vllazninë në kuotën e 32 pikëve, 15 më shumë se Kukësi që tashmë duket se është jashtë luftës për titull, edhe pse janë luajtur vetëm 14 ndeshje të këtij sezoni.

Kukësi-Vllaznia 0-1
58′ Kalaja

Kukësi: Tafas, Kotobelli, Lulaj, Bytyçi, Dragoshi, Hetemaj (86′ Domi), Taipi (62′ Limaj), Leiria, Gashi (78′ Peposhi), Ibraimi, Eze.
Trajner: Rr. Hallaçi

Vllaznia: Zogoviç, Adili, Imami, Isaevski, Kruja, Kalaja (72′ Avdijaj), Jonuzi, Marku, Krymi, Imeri (90’+3′ Shehi), Dilaver (87′ Da Silva).
Trajner: T. Brdariç

KV: Dragoshi, Ibraimi, Eze, Bytyçi / Isaevski, Krymi, Marku. Jonuzi

KK: Dragoshi

Gjyqtar: Eldorjan Hamiti

MINUTË PAS MINUTE

90’+4’ Mbyllet ndeshja me fitoren minimale të Vllaznisë.

90’+3′ Karton i kuq për Dragoshin për protesta.

90’ Jepen tre minuta shtesë.

89’ Pretendojnë për penallti verilindorët për një prekje të topit me dorë në zonën e shkodranëve, Hamiti bën shenjë që loja të vazhdojë mes protestave për të cilat ndëshkohet me të verdhë Eze.

87’ Tjetër gjuajtje e fortë e Ibraimit nga jashtë zonës, sfera përfundon jo shumë larg portës së Zogoviç.

82’ Ngulmon Vllaznia që sulmon me shumë forca duke vënë në vështirësi përsëri Kukësin. Gjuajtja e fortë e Imerit grushtohet me vështirësi nga Tafas, por këtë radhë mbrojtja është më e vëmëndshme dhe largon rrezikun.

80’ Harkim i mirë i Kotobellit nga e majta, por Eze me Ibraimin nuk merren vesh dhe humbin mundësinë për të gjuajtur në portë.

77’ Goditje dënimi e Kukësit, harkimi në zonë devijohet me kokë nga Lulaj, por nuk arrin të gjejë katëkëndorin..

70’ Tronditet shtylla e portës së Vllaznisë. Pas një goditje nga këndi, topi mbetet në zonë dhe Hetemaj arrin ta gjuajë, por sfera përplaset me shtyllën e më pas largohet nga mbrojtja e kuqebluve.

68’ Aksioni i radhës nga e djathta i Krujës, harkimi i tij është perfekt për Imerin i cili gjuan fluturimthi, por sfera përfundon jashtë ngjitur me shtyllën pingule.

65’ I sapofuturi Limaj nis një kundërsulm të shpejtë, por pasimi i tij për Eze gjen në kundërkohë sulmuesin duke humbur rrezikshmërinë e aksionit.

62′ Lëvizja e parë e Kukësit është largimi i Taipit dhe aktivizimi i Limajt në mesfushë.

58′ GOOOL Vllaznia, shënon Kalaja. Gjuajtje e fortë e Markut nga jashtë zonës, Tafas nuk kontrollon si duhet dhe Kalaja me shpejtësi devijon sferën aq sa për ta çuar në rrjetë.

55’ Rrëmujë në zonën shkodrane, me Kukësin që i afrohet në mënyrë të papritur golit. Mbrojtja ka veshtirësi të largojë një harkim në zonë dhe Taipi provon me forcë të shënojë nga jashtë. Grushtimii Zogoviç është vendimtar pasi e largon sferën nga porta e tij.

54’ Tjetër rrezik në katërkëndorin e Kukësit: Pas një goditje nga këndi, Dilaver kthen topin me kokë për Adilin por ky i fundit po me kokë nuk arrin ta devijojë drejt rrjetës.

52’ Provon edhe Kalaja me një goditje tokazi diagonale, sfera përfundon jashtë.

49’ Fillim i vrullshëm i Vllaznisë e cila me një aksion të shpejtë nga e djathta gjen momentin e duhur për të harkuar me Krujën në qendër, largon me vështirësi mbrojtja e Kukësit.

46’ Pjesa e dytë nis pa ndryshime në radhët e të dy ekipeve.

45’+3’ Mbyllet pjesa e parë me barazimin pa gola mes dy skuadrave.

45’+2’ Gjuajtje e fortë nga e majta e Jonuzit. Sfera përfundon jashtë katërkëndorit, jo shumë larg trekëndëshit në të majtë të Tafas.

45′ Jepen 2 minuta shtesë në fundin e pjesës së parë.

40’ Rrit trysninë Vllaznia në këto minuta të fundit, duke mbajtur verilindorët në gjysmëfushën e tyre, një tabllo e ndryshme nga ajo e minutave të parë.

36’ Krymi mundohet të gjejë Tafas të papërgatitur me një gjuajtje të fortë, por gardiani është në pozicion dhe pret i qetë.

28’ Top i gjatë drejt Hetemajt i cili del para në sulm, dalja e Zogoviç eviton problemet.

28’ Një tjetrë goditje dënimi që rrezikon portën e Vllanzisë, këtë herë topi harkohet në qendër ku Leiria gjuan me kokë, por Zogoviç pret mbi vijën fatale duke evituar golin.

21’ Goditje dënim e fortë e Taipit nga rreth 25 metra, topi shkon direkt në duart e Zogoviç.

15’ Ibraimi provon një gjuajtje diagonale nga e djathta, topi kalon pasqyrën e portës dhe përfundon jashtë.

12’ Pas goditjes së dënimit, mbrojtja shkodrane largon topin por Eze përfiton nga një pavëmendje dhe gjen hapësirën për të gjuajtur nga jashtë zonës. Shënjestra e tij është shumë e gabuar pasi sfera nuk i afrohet portës.

11’ Isaevski është i ndëshkuari i pare në këtë duel, pasi merr të verdhë për një faull kundër Leiria.

5’ Minuta e parë shohin Kukësin të bëjë presing të lartë, ndërsa kërkon të gjejë Eze me harkime në qendër të zones. Nga ana tjetër, Vllaznia duket më e tërhequr se zakonsiht dhe mendon më shumë të kundërsulmojë në këto minuta.

1’ Nis ndeshja me shkelmimin nga qendra të skuadrës së Vllaznisë.