VIDEO/ Kukësi ia del me përmbysje, verilindorët mposhtin Bylisin me dyshen Ibraimi-Eze

Kukësi nuk e ka pasur të lehtë të fitojë në Elbasan Arena teksa ka mposhtur me rezultatin 2-1, Bylisin. Verilindorët e panë veten në disavantazh në minutën e 26 kur shënoi Stojanoviç. Megjithatë, të besuarit e trajnerit Hallaçi nuk u tronditën, por gjetën forcën për të reaguar teksa vendosë sërish ekuilibrat falë Ibrahimit në të 40-tën minutë.

Në fraksionin e dytë, Kukësi u fut në fushë me idenë për të marrë maksimumin dhe ai që realizoi golin vendimtar ishte Eze që me kokë mposhti portierin Qirko. Ky episod u regjistrua në minutën e 57 dhe që nga ai çast verilindorët ditën të menaxhojnë avantazhin, me ballshiotët që nuk gjetën rrugën për të barazuar.

Kështu, Kukësi merr për të dytën herë radhëzi pikët e plota dhe tashmë ngjitet në kuotën e 23 pikëve, në vendin e katërt. Sakaq, Bylis humbet një pozicion në renditje dhe shkon në vendin e nëntë me vetëm 12 pikë në llogari. /VipSport.al/

Kukësi-Bylis 2-1

Shënues: 40′ Ibraimi, 57’Eze /27′ Stojanoviç

Formacionet zyrtare:

Kukësi: Xhika, Kotobelli, Hetemaj, Lulaj, Demiri, Taipi, Limaj, Ibraimi, Peposhi, Matheus Leiria, Eze
Trajner: Rraman Hallaçi

Bylisi: Qirko, Ymeralilaj, Janku, Stojanoviç, Ndreca, Lorran, Aleksandre Garcia, Hadroj, Antoni, Qardaku, Mehmetllari
Trajner: Bekim Kuli