VIDEO / Empolit nuk i mjaftojnë dy gola shqiptarë ndaj Napolit, një kuqezi debuton mes profesionistëve

Dy gola të Nedim Bajramit nuk i kanë mjaftuar Empolit për të bërë mrekullinë në Kupën e Italisë përballë Napolit. Skuadar e Serisë B është dorëzuar me shifrat 3-2 në stadiumin “Diego Armando Maradona”, por pasi kishte bërë të dridhej ekipin e Gatuzos.

Ky i fundit vinte në këtë sfidë me shumë zgjedhje të dyta në formacione, por edhe me konfirmimin e Amir Rrahmanit si titullar në qendër të prapavijës së kësaj skuadre. Goli i Di Lorencos ndaj ish-skuadrës kaloi napolitanët në avantazh por Nedim Bajrami, talenti shqiptar i cili përfaqëson Zvicrën, barazoi shifrat. Lozano tregoi aftësitë e tij duke shënuar e mbyllur pjesën e parë në avantazh, por Bajrami tundi përsëri rrjetën në pjesën e dytë, duke i vështirësuar çdo gjë skuadrës vendase. Megjithatë, Petanja arriti të shënonte përsëri, duke çuar shifrat në 3-2 për Empolin që nuk arriti të kthente më rezultatin dhe pa si napolitanët kaluan në çerekfinalet e Kupës.

Në këtë ndeshje, në 6 minutat e fundit të sfidës, në fushë zbriti për Empolin edhe Kristjan Asllani, mesfushori ofensiv 18-vjeçar i cili luan me përfaqësueset e moshave kuqezi dhe është grumbulluar edhe nga U21. Ai është bërë prej kohësh pjesë e skuadrës së parë të Empolit, por kjo ishte ndeshja e debutimit të tij mes profesionistëve. /vipsport.al/

'; } ?>
Döşemealtı araç kiralama pursaklar evden eve nakliyat

Office Lizenz Kaufen Windows 10 pro lizenz kaufen Office 2019 Lizenz Office 365 lizenz kaufen Windows 10 Home lizenz kaufen Office 2016 lizenz kaufen office lisans satın al office 2019 satın al