Tirana u torhoq nga gara, Hasani pranë klubit nga Kosova

Emri i Ferhan Hasanit ka qenë një ndër më të lakuarit e klubeve shqiptare në këtë merkato. Shumë prej tyre kanë bërë përpjkjet për të pasur në organikë një kualitet si ai i 30-vjeçarit. Mirëpo, Hasani që ka mbyllur angazhimin me Helsinkin në Finlandë, kushton shumë sa i përket pagës sezonale. Për këtë arsye, Tirana është tërhequr teksa presidenti Halili u shpreh në Proçesin Sportive se nuk mund të përmbushë kërkesat e futbollistit.

Në këtë formë, për “Bubën” opsion mbeti Shkëndija e Tetovës. Por, së fundmi duket se në lojë është futur edhe Drita. Kjo sepse Hasani është parë ditën e djeshme në Gjilan teksa ka takuar drejtues të klubit nga Kosova.

Në fakt, nuk bëhet e qartë nëse ishte një takim thjesht miqësor, apo ka pasur diskutime të aspektit sportiv, megjithatë mediat në Kosovë e shohin si një tentativë të hapur të Dritës për të firmosur me Hasanin. Tashmë, mbetet në ditët në vijim që ky lajm të konfirmohet ose jo. /VipSport.al/