Strategjia e Kukësit B, talente për skuadrën e parë, jo vetëm Peposhi te skuadra A

 Kukësi B po drejtohet nga Ermal Nexhipi dhe në bashkëpunim me Rraman Hallaçin kanë si synim që të çojnë sa më shumë lojtarë në skuadrën e parë. Në radhët e Kukësit B po spikatin Ergys Peposhi, sulmuesi i talentuar, që në Fier fitoi penallti, por shënoi edhe gol, ndërsa janë për t’u theksuar edhe Merko, apo Shehu një lojtar mjat cilësorë apo dhe Zenel Gavazaj.

Në skuadrën e parë, tashmë nga skuadra e Ermal Nexhipit kanë shkuar Gavazaj si dhe Peposhi, ky i fundit edhe pjesë e kombëtareve të moshave dhe tashmë synon Shpresën U-21.

Ndërkohë që trajneri Nexhipi, që po bën një punë mjaft të mirë, së bashku edhe me Hallaçin po synon që të nxjerrë sa më shumë talente për skuadrën e parë këtë sezon dhe një pozitë nderi, sepse edhe klubi për këtë qëllim e ka krijuar skuadrën B, sigurisht edhe duke bërë një garë dinjitoze.

E.S./Vipsport.al