Skënderbeu nuk ndalet, afron portierin e Shkëndisë së Tetovës

Skënderbeu është duke bërë të pamundurën për të përforcuar skuadrën, madje edhe me lojtarë nga “matanë kufijve”. Bardhekuqtë kanë siguruar në formë huazimi portierin e Shkëndijes së Tetovës, Bekim Rexhepi.

24-vjeçari është lejuar nga kuqezinjtë tetovarë të luajë deri në fund të sezonit me korçarët. Rexhepi është futbollisti i dytë nga Shkëndija që i bashkohet ekipit të Julian Ahmatajt. Këtë muaj, në Korçë mbërriti dhe mbrojtësi Leard Sadriu, i cili është huazuar.

Ndërkohë pritet që të ketë sërish afrime në Korçë, madje me 2-3 lojtarë shumë cilësorë dhe klubi është në negociata të vazhueshme me menaxherë të ndryshëm, psi synimi është mbijetesa…

Njoftimi i Shkëndijës…

Pas mbrojtësit Leard Sadriu, Shkëndija huazon për 6 muajt e ardhshëm te Skënderbeu i Korçës edhe portierin Bekim Rexhepi.

KF Shkëndija komunikon marrëveshjen me KF Skënderbeun e Korçës për huazimin e portierit Bekim Rexhepi. Kështu, gardiani kuqezi kalon në Shqipëri në formën e huazimit për gjashtë muajt e ardhshëm, formulë e njejtë që dy klubet ndoqën edhe me rastin e mbrojtësit Leart Sadriu.”

E.S./Vipsport.al/