Skandal racizmi në Bundesligë, lojtarët quajnë “afgan m***” futbollistin e Gjermanisë

Union Berlin ka mundur sot me shifrat 1-0 Bajer Leverkusenin, por rezultati i ndeshjes ka kaluar plotësisht në plan të dytë pas asaj që ka ndodhur në fund të takimit. Sipas lojtarëve të Bajer Leverkusen, futbollistët kundërshtarë kanë lëshuar fraza raciste në fushën e lojës.

Nadim Amiri i Leverkusenit, pjesë e përfaqësueses së Gjermanisë në vitin e fundit, u pa teksa i tërbuar i vuri duart në fytyrë Florian Hubner të ekipit kundërshtar. Mendohet se mbrojtësi i Unionit e kishte fyer atë duke i kujtuar se prindërit e tij kishin qenë refugjatë afganë në Gjermani.

Xhonatan Tah nuk ngurroi të dilte para kamerave dhe të denonconte këtë sjellje të kundërshtarëve të tij. “Gjëja e parë që më vjen keq është ajo që ndodhi me Amirin. Ai është fyer nga origjina, nga vendi nga i cili vijnë prindërit e tij, kjo është e trishtë, nuk i përket fushës së lojës. Kjo është gjëja më e keqe sot, uroj të ketë pasoja. Kishte disktiome mes skuadrave dhe shprehja “afgan m***” u përdor. Nuk ka vend këtu, sado që të jesh i ngarkuar emocinalisht. Kjo gjë nuk bëhet”, tha Tah. /vipsport.al/