Seanca e parë në drejtimin e Josës, Kukësi konfirmon objektivat sezonalë

Ditën e djeshme, klubi i kukësit njoftoi se skuadra do të kalonte nën drejtimin e trajnerit me shumë eksperiencë në Shqipëri, Mirel Josa. Verilindorët kanë gjetur gjuhën e përbashkët për të firmosur një kontratë prej një viti e gjysmë me trajnerin e mirënjohur.

Ndërkohë, sot Josa ka drejtuar për herë të parë seancën stërvitore të Kukësit, ndërsa të pranishëm kanë qenë edhe ndihmësi i tij Rrahman Hallaçi, si dhe ndihmësi Nderim Nexhipi.

Sakaq, klubi i Kukësit thekson edhe njëherë se pavarësisht problemeve deri në këtë pjesë të sezonit dhe faktit se janë 13 pikë larg Vllaznisë kryesuese, sërish objektivi për t’u shpallur kampion nuk ndryshon, po ashtu edhe synimi për të fituar Kupën e Shqipërisë. /VipSport.al/