Reali nuk do ta largojë, por PSG ka lëvizur konkretisht për Ramos

Serxho Ramos do të jetë një futbollist i lirë nga detyrimet me Real Madrid në këtë qershor. Kapiteni i Los Blancos, ka refuzuar deri tani ofertat nga presidenti Florentino Perez duke qenë se nuk është i kënaqur financiarisht, por edhe në lidhje me kohëzgjatjen e kontratës. Ndaj, spanjolli ka nisur të mendojë edhe largimin nga klubi ku është një simbol. Për mbrojtësin, njihet tashmë interesimi i PSG.

Madje, këta të fundit nuk kanë qëndruar pasivë, teksa kanë bërë hapa konkretë duke i ofruar futbolliatit një kontratë joshëse. Tre vite dhe pagë 15 milionë euro në sezon. Ramos po e konsideron ofertën, por është në pritje edhe të një thirrje të fundit nga ana e Real, duke qenë se klubi ia ka bërë të qartë se dëshiron ta mbajë në skuadër një lider si ai, mirëpo është duke punuar për të gjetur rrugën që ta kënaqë kapitenin.

Kështu, situata është ende në vendnumëro, por te PSG kënë bindjen se në fund oferta e tyre do të jetë më e mira për Ramos. /VipSport.al/