Pjesë e ekipit për vazhdimin e sezonit, Moçka: Flamurtari i mungon Superligës

Për arsye të tijat personale, Shpëtim Moçka nuk ka mundur të jetë pjesë e Flamurtarit për pjesën e parë të sezonit, mirëpo në vazhdim të sezonit, gardiani do të jetë së bashku me ekipin kuqezi. Këtë e thekson vetë Moçka në një prononcim për RTSH Sport, ndërsa shton se ekipi do të bëjë më mirë  teksa shpreson të kthehen shpejtë në elitë.

“Unë gjithmonë kam qenë pjesë e Flamurtarit, kam pasur disa problem të miat personale dhe tani jam afruar pranë ekipit.

Mendoj se Flamurtari ka në përbërje lojtarë me perspektivë, çuna të rinj që duhen ndërthurrur me lojtarë me eksperiencë dhe mendoj se do të bëjmë një punë shumë të mirë në fazën e dytë. Flamurtari i mungon Superligës dhe shpresojmë të kthehet sa më shpejt”, u shpreh Moçka. /VipSport.al/