Nuk u grumbullua nga Inzagi, Lacio zbardh arsyen e mungesës së Strakoshës

Po kthehet në një sezon “makthi” për Tomas Strakoshën. COVID e detyroi të humbasë postin e titullarit, ndërsa kur u duk se 25-vjeçari do të rifitonte sërish pozitat e tij dhe luajti titullar në takimin e fundit ndaj Fiorentinës, sot ka ardhur një lajm i keq.

Trajneri Simone Inzagi nuk e grumbulloi portierin e kombëtares, ndërsa së fundmi klubi i Lacios ka sqaruar se Strakosha vuan një tërheqje muskulore në kofshën e djathtë dhe gjendja e tij do të monitorohet ditë pas dite për të dalë më pas në një konkluzion përfundimtar mbi kohën e rikthimit në fushë.

Kështu, gardiani kuqezi është sërish në “pitstop” me shpresën që të rikthehet sa më shpejt të jetë e mundur ai që bëri të gjithë Serinë A për vete me paraqitjet prej kampioni. /Vipsport.al/