Muzaka: Tirana nuk ka nevojë për lojtarë cilësorë, por që përballojnë presionin. Partizani nuk bëri blerje të mëdha

Gjergji Muzaka është ndër ata futbollistë që e ka provuar derbin mes Partizanit e Tiranës me fanellën e të dy skuadrave dhe e njeh mirë trysninë që ka në secilin klub. Ndaj sot në “SuperSport” ai theksoi para sfidës se për bardheblutë, ishte e rëndësishme të gjenin lojatë që të përballonin presionin më shumë se lojtarë me cilësi mbi të tjerët.

“Kjo është ajo që bën diferencën mes lojarëve të mirë dhe mesatarë. Lojtarët e mirë janë ata që janë mësuar të luajnë edhe nën presion. Te Tirana është nga klubet që i duhen lojtarë që të përballojë presionin. Më shumë se lojtarë cilësorë, ky klub ka nevojë për lojtarë që u duhet të përballojnë peshën e kësaj fanelle.

Këto janë dy skuadra me emër të madh në kampionatin shqiptar dhe për emrin që kanë duhej të fokusoheshin te blerjet e mëdha. Tirana i ka bëre e Partizani jo, por mund të quaj në thonjëza blerje rikthimin në formacion të Asanit e Kordeiros, edhe Murataj ka vlera. Ndaj do të jetë e ekuilibruar. E bukura është që të dy skuadrat do të luajnë për fitore, se ndryshe i vështirësohet rruga drejt objektivit, asnjë nuk është i kënaqur me vendin e dytë”, tha Muzaka. /vipsport.al/