Lushnja e Shkumbini përforcohen, ja kë afruan sot dy skuadrat

Skuadrat e Kategorisë së Parë në bazë edhe të buxheteve të tyre synojnë që të afrojnë lojtarë si në tregun e verës ashtu edhe në janar. Këtë periudhë, thuajse të gjitha janë aktive, duke afruar lojtarë mjaft cilësorë.

Nga sa bëhet e ditur, Lushnja sot ka marrë Donald Bejkon, një lojtar me eksperiencë në Kategorinë e Parë duke luajtur me ekipe me pretendime si: Erzeni, Besa apo dhe Egnatia.

Ndërkohë që po sot, skuadra e Shkumbinit që synon të ngjitet nga Kategoria e Dytë në të Parën, ka marrë në formë huazimi nga radhët e skuadrës së Egnatias, të riun 19-vjeçar, Amarildo Manushin, sulmuesin që ka spikatur me moshat rrogozhinase dhe prej tri vitesh është pjesë e skuadrës së parë në Kategorinë e Parë.

E.S./Vipsport.al/