Lila: Halili është njeri i mirë dhe sportdashës, trajneri nuk duhej të largohej para ndeshjes

Andi Lila e mendon të gabuar mënyrën se si Nevil Dede vendosi të largohej nga Tirana. Ish-futbollisti i përfaqësueses shqiptare ka argumentuar në “Procesi Sportiv” se sipas tij tekniku nuk duhej të kishte braktisur lojtarët para kësaj sfide në kampionat.

“Unë jam rritur te Tirana, e di psikologjinë e klubit, e njoh shumë mirë. Zoti Halili është njeri shumë i mirë, sportdashës dhe me ndjenja. Deklarata sot ishte emocionale, me atë që ndodhi. Gjatë karrierës, nuk kam pare që trajneri të ikë 15 minuta para ndeshjes. Nuk dua të mbaj anën e askujt, por nuk më ka pëlqyer mënyra se si iku trajneri para ndeshjes. Duhej të mbaronte ndeshja, e pasi të mbaronte në fund t’u jepte dorën të gjithëve dhe të largohej.

Kur një trajner pranon të firmosë, duhet të marrë parasysh e të shohë politikat e klubit. NUk mbaj anën e askujt poir trajnerin e shojh si kapiten anije. Mbaro ndeshjen dhe ik. Një largim një çerek ore para ndeshjes nuk e kam parë asnjëherë, mendoj për ata futbollistë që ishin sot që ngelën pa trajner”” ishte argumenti i Lilës. /vipsport.al/