Liçi: I zgjodhëm mes 100 e ca lojtarësh, po kishim probleme në mbrojtje

Gentjan Liçi, zëvendëstrajneri i Skënderbuet, është ulur sot në pankinë në vend të Julian Ahmatajt, i cili ishte i pezulluar në sfidën ndaj Laçit. Një “debutim” me sukses, pasi skuadra korçare mori  barazim në një fushë shumë të vështirë si ajo e Laçit. Liçi tregoi për “SuperSport” se ky ishte një rezultat shumë i mirë duke pasur parasysh pozitat e Skënderbeut, si dhe vështirësitë me të cilat po përballet në këtë sezon.

“Në këtë moment edhe një pikë është e rëndësishme. Edhe lojtarët e rinj kanë më shumë moral e shtysë, që nuk na ka munguar deri tani. Mendoj se vazhdimësia do të jetë më e mire.

Nu jemi në momente të mira, duke e pasur parasysh si e nisëm nga faza pëgatitore. Ideja e klubit ishte të promovojmë lojtarët e rinj, edhe pse në Superiore është e vështirë që të bëjnë maksimumin. Ne me stafin zgjodhëm në mes 100 e ca futbollsitëve. Por rrugës kemi vënë re se kishim probleme në fazën mbrojtëse, si ekip e jo individuale, dhe tani po mundohemi ta korrigjojmë për të bërë më mirë në vijim”, tha Liçi. /vipsport.al/