Konte nuk fiton kundër Juventus, tekniku i ka humbur të katërta sfidat ndaj ish-skuadrës

Sot në mbrëmje luhet Inter-Juventus, një sfidë e cila gjithnjë ka interes të madh, ndërsa tashmë vëmendja është edhe më shumë duke qenë se luhet për titullin. Në pankinën e Inter, është një nga ata që ka bërë histori me Juventusin siç është Antonio Konte.

Por, trajneri nuk ka aspak bilance të mira përballë bardhezinjve pasi gjatë historisë si trajner ka humbur ndaj ish-skuadrës së tij. Kështu, ndeshja e parë e Kontes kundër Juventusit ka qenë kur ai drejtonte Arezzon në vitin 2007. Përballë Juventusit në Serinë B, humbiste me rezultatin 1-5. Humbja e dytë vjen teksa drejtonte Atalantën në vitin 2009, në atë periudhë Juventusi e mposhtte me rezultatin 2-5.

Ndërkohë, dy humbjet e radhës erdhën në sezonin e kaluar nën drejtimin e Interit, teksa torinezët fituan në të dyja takimet me rezultatet 1-2 dhe 2-0. Kështu, sot Konte do të kërkojë të ndryshojë historinë dhe të provojë të mundë të kaluarën e tij për herë të parë. /VipSport.al/