Kapiteni rikthehet nga pezullimi, Gurishta: Bylisi ka në favor kushtet e fushës, nuk është si e jona

Vllaznia luan ndeshjen e radhës ditën e nesërme në transfertë ndaj Bylisit. Shkodranët duan të ruajnë vazhdimësinë, teksa trajneri Tomas Bërdariç do të ketë të gatshëm edhe Erdenis Gurishtën, që në sfidën e mungoi për shkak pezullimi. Kapiteni ka qenë në konferencë për shtyp ditën e sotme, ku theksoi vështirësitë që shkodranët do të hasin në fushën e Bylisit duke qenë se nuk ka të njëjtën cilësi si ajo e Loro Boriçit apo Elbasan Arena.

“E kam lënë pezullimin pas dhe jam i lumtur që jam rikthyer, siç isha i lumtur për ndeshjen që zhvilluam ndaj Kukësit. Kruja e bëri shumë mirë rolin e mbrojtësit të djathtë. Tani mendojmë për ndeshjen e radhës”.

Bylis? “Nuk duhet parë klasifikimi, nuk është skuadra e sezonit të kaluar por Bylis është shumë agresiv në fushën e vet. Do jetë e vështirë, ata kanë në favor fushën që nuk ka nivel si e jona apo edhe ajo e Elbasanit. Të marrim masat dhe të shkojmë atje vetëm për tri pike”.

Goli i parë këtë sezon? “Shpresoj që të vijë edhe goli im i parë këtë sezon. Pak rëndësi ka kush shënon te Vllaznia, rëndësi ka të fitojë ekipi”, u shpreh Gurishta. /VipSport.al/